تفاصيل الحلقة القادمة من مسلسل نور

جئتكم باْدق التفاصيل عن الاحداث المقبلة في المسلسل و التي نقلتها عن موضوع كتبه احد الاعضاء في منتدى روايتي و اتمنى ان يعجبكم الموضوع ...........عابدين هيقرر خطف نور
هيقنعها برحلة عمل وقبل السفر هتنزل نور مع دانا تعمل تحليل حمل
لكن هتسافر مع عابدين قبل ما تعرف نتيجة التحليل وهناك هتتصل بيها دانا وتقول لها إنها حامل
وان نتيجة التحليل إيجابيه .. عابدين هيسرق موبيل نور ويكسره علشان تنقطع عنها جميع المكالمات التليفونيه
و هيبدأ يعاملها بعنف وجنون ويحاول الإعتداء عليها!!!!!!
لكن هى هتقوله إنها حامل راجيه إنه يبعد عنها!
هيبدأ هو مع نفسه يرتب لحياته معاها مع بنته وابنها الجديد
مهند فى الوقت ده هيبدأ يقلق لأنه مش هيعرف يتصل بيها
هيكتسف حقيقة عابدين بالصدفه وشخصيته العنيفه من زوجة عابدين السابقه وهيحاول يوصل لنور بأى شكل
ولما هيوصل لها هيحصل التشابك اللى هيسفر عن إصابة مهند فى قدمه وقتل نور لعابدين دفاعاً منها عن زوجها!!!
هتتهم نور بقتل عابدين وهيتقبض عليها لفتره وجيزه حتى يتم الحكم عليها بالبراءه
هيموت عابدين بالمستشفى وهو بيلفظ أنفاسه الأخيره هيشكك مهند فى نور
هيعيش مهند فتره فى حيره وشك فى زوجته واللى هيسبب له قلق وحيره ومعامله جافه منه تجاه نور
وده هيسبب فى مشكله بينهم هتنتهى بدخول نور المستشفى معتقده إن هيحصل ليها إجهاض مره ثانيه
لكن هتكون بخير وهيحاول مهند بكل الطرق إصلاح ما أفسد بينهم بسبب الشك
هيعيشوا فتره فى هدوء حتى يوم الوضع واللى هيتم فى سياره مهند وهيقوم بعملية الولاده مهند لآنه مش هيلحق يوصل للمستشفى
وهيكون مهند فى منتهى السعاده بالمولوده الجميله
بعدها هيشعر بإهمال نور له وإهتمامها المبالغ بالطفله
وده هيسبب مشكله بينهم هيبدأ يشغل نفسه بعلاج نهال علشان تقدر تمشي تانى وفعلا هتقدر تمشي تانى
هيعرف بعد كده إن نهال بتبحث عن عمل فهيوفر لها وظيفه بشركة شادأغلو
وهيخبي الخبر ده عن نور لكن نور هتزوره فى الشركه فجأه وهتكتشف
بانا هتبدأ تلاحظ إهتمام مهند بنهال وهتنصح نور بإنها تبدأ تهتم بيه أكتر كما كانت قبل اإنجاب!!
وده هيسبب مشكله لآن نور هتلاحظ إهتمام مهند المبالغ فيه بإبنه من نهال ..
هيحصل بعد كده إن مهند هيشعر بالغيره على نهال من زميلها فى العمل اللى
بيتودد ليها وهيتجوزها بعد كده ونتيجته إنه فى ليله هيشرب كتير وهيروح لنهال وهيقضى الليله بايت عندها وده هتعرفه نور بعد كده وهتسيب له البيت
وهتحصل مشاكل جامده جدا ما بينهم وهينفصلوا ومهند هيعمل المستحيل لآرضاءها وهيتكلم مع نهال وهيكتشف إن ما حصلش بينه وبين نهال اى حاجه!
ولأنه كان شارب فمكنش فاكر ايه اللى حصل وهيفهم نور الحقيقه
لكن كل محاولاته هتذهب هباءً وده هيخليه يشعر ببرود لفتره ويعيش حياته بدون نوربشكل طبيعي
وهتكون نتيجة المشكله دي الطلاق اللى هيتم فى المحكمه
واللى هيخلى كل العيله تاخد منهم موقف
فى الفتره دى هتكون نور بتشتغل فى الشركه مع مهند
و فى نفس يوم الطلاق هيحصل لنور ومهند حادث سياره رهيب
هيأدى لأعتراف الإتنين بحبهم لبعض لأنهم كانوا معتقدين إنهم هيموتوا بالحادث بسبب إن نور هتكون عالقه بالسياره ومهند هيرفض التخلى عنها
وهيقرر البقاء ليموتوا معاً... لكن فى ناس هتنقذهم
فى نفس الليله هترجع علاقتهم زى ما كانت لكن هيخبوا ده عن العيله كلها لأن نور هتشعر بالإحراج من كونهم اتصلحوا فى نفس يوم الطلاق
هيقرر مهند يفاجإها برحلة شهر عسل فى الهند
وهتكون رحله ممتعه بينهم جدا! وهيفاجإها هناك بخاتم الزواج وهيتجوزوا من جديد
العائله هتكتشف الموضوع ويبدأ يخططوا ويلعبوا عليهم لعبه علشان يجبروهم على الإعتراف إنهم رجعوا لبعض
وفعلا هيعتروفوا .. جد مهند هيتجوز من سيده مسنه ولديها ابنه متزوجه من راجل شرير
هيستولوا على الفيلا وهيتدخل زوج بنتها فى عمل الشركه
وبعد فتره من الهدوء بين مهند ونور هتبدأ نور تشك فى أنها مصابه بسرطان الثدي
وهتبدأ تحاول التأكد من ذلك بدون ما مهند يعرف لكن هيعرف بالصدفه وهينهار تماماً لكنهم هيكتشوا أن الورم حميد
وده هيخللى مهند فى منتهى السعاده... بعد كده نهال هتقرر السفر بمهند الصغير مع زوجها وده هيسبب بجنون مهند!!
وهيقرر ياخد منها مهند الصغير وقبل ما تهرب بيه هياخده منها بالبوليس... هتتكلم نهال مع نور ونور هتزعل من مهند وتاخد منه موقف لأنه حرم طفل من أمه
لكن مهند فى الفتره دى كان قاسي جدا ولم يستمع لها.... هيتصل زوج نهال بنور ويقول لها ان نهال تعبانه ولازم تشوف ابنها
نور هتاخد الولد علشان يشوف امه لكن زوج نهال كان يخطط لخطف الطفل إرضاء لزوجته وفعلا هيخطفه ومهند هيضع كل المسؤليه على نور
وهياخد منها موقف لكن نهال هتنقذ الموقف بإنها هترجع الولد لأبوه فى أخر لحظه قبل السفر وده هيخليه يراجع نفسه ويعطيها الولد
ويتفقوا على المشاركه فى التربيه..
هتبدأ نور تحضر لدفليه كبير لأزيائها بشركة شاد أغلوا وفى نفس يوم العرض هيتعرض مهند للقتل واللى هيكون مخطط له زوج ابنت زوجة جد مهند
وهيدخل مهند فى غيبوبه لفتره طويله لكن هيقوم منها بخير لكن هيحتاج لكليه جديده هتتبرع له نور بيها ولكن ده هيأثر على صحة نور!
ونور هتخبى عن مهند هذه المضاعفات.. لكن أنور هيقول لمهند الموضوع ده....
لكن نور هتصبح بخير تماماً وهينتهى المسلسل عن تخللى مهند عن منصب رئيس مجلس الإداره لأبنة عمه بنا
وبعد 13 عام هتكون نور حامل للمره الثانيه وفجر معاه طفلين وبانا طفل واحد ودانا معها توأم غير ألما وغير طفلها الصغير
ومهند الصغير سيصبح شابا ويحب نور بنت روقيه وهينتهى المسلسل على ان الكل سعيد

بالنسبه لفجر هيتجوز بنت هيقابلها فى بار وهتشتغل معاه فى شركة شاد أغلو
هيتجوزها وهتبقى مفاجأه للعيله ..لكن هيتقبلوها !
هيسافر ويسيبها ولما هيرجع هيكون شخص تانى ..يعني ممثل تانى
وكمان شخصيته هتكون مختلفه حقودي وعايز ياخد مكان مهند فى الشركه
وهيعمل مشاكل كتير
بس لما مهند هيتعرض للقتل هيراجع فجر نفسه وسحاول يصلح موقفه
وبعد 13 سنه هيكون عنده ولد وبنت من زوجته ومستقر معها ومع العيله
بالنسبه لـ شريفه وجيهان
مش هيكملوا مع بعض وده هيسبب حاله نفسيه سيئه لـ شريفه
لكن فى آخر حلقه هتظهر وهى أعده مع واحد تانى .. والهدف من المشهد إنهم يقولوا إنها هتعيش حياتها وتبقى سعيده نهياة المسلسل
اما بالنسبة للجد فكري
بعد ما هيتجوز بفتره هيكتشف خداع زوجته وده هيخليه يسيب الفيلا ويمشي
وهينتهى دوره بالشكل ده غالبا كان راح لأبنه
لكن فضل مختفى حتى آخر حلقه مظهرش تانى.
النسخه التركي 100 حلقه
والنسخه العربي اكتر من 162 حلقه
عدد الحلقات أكتر فى العربي لآنهم بيعضروا أقل من نصف الحلقه وبيزودوا الأعلانات

وشكرا بتمنى يكون الموضوع عجبكم

شكرا و الله الموضوع يستحق الشكر و اكثر شكرا من جديد